ՀՀ և ԼՂՀ պատվիրակությունները կմասնակցեն միջազգային գիտաժողովի

Գիտաժողովը, որին ՀՀ և ԼՂՀ պատվիրակությունները ներակայանալու են Հ. Շարամբեյանի անվան ժողովրդական ստեղծագործության կենտրոնի և Ստեփանակերտի երկրա¬գիտական թանգարանի, գլխավորությամբ, անց է կացվելու ս.թ. սեպտեմբերի 15-21-ը Վիեննայում և Բուդապեշտում: 

 

Միջացառման մասնակիցների թվում են նաև ԱՄՆ-ից Հայկական գորգերի ասոցիացիան, Փարիզից Բերճ Աշճյանն իր անձնական հավաքածուով, Շվեցարիայից Պետեր Գմյուրը, Վիեննայի Մխիթարյան միաբանությունը և Վիեննայի Գեորգ և Ազնիվ պատկերասրահը:

 

Միջազգային գիտաժողովի շրջանակներում Հայկական գորգերի ասոցիացիայի Եվրոպայի մասնաճյուղի ներկայացուցիչ Արթուր Թելֆեյանի նախաձեռնությամբ և մասնակի հովանավորությամբ Վիեննայի Սանս Սուսի (Sans Souci) սրահում կազմակերպվելու է հայկական արձանագրությամբ գորգերի ցուցա¬հանդես, որի ընթացքում հայկական մշակույթն առավելագույնս արժևորելու նպա¬տակով ներկայացվելու են նաև հայկական գորգի վերաբերյալ դասախոսություններ:

 

Ցուցահանդեսը բացառիկ հնարավորություն է հայկական արձանագրությամբ ձեռագործ հին գորգերի ու տեքստիլի ցուցադրման միջոցով փաստելու գորգա¬գործության հայկական ծագման և համաշխարհային գորգարվեստում ունեցած մեծ դերի մասին: Այն նաև ընդգծում է միջազգային ասպարեզում հեղինակություն վայելող «Գորգի շրջագայություններ» ծրագրում Հայաստանի Հանրապետության մասնակցության կարևորությունը:

 

Աղբյուրը՝ mincult.am