Մեկնարկել է դահուկավազքի պատանիների Հայաստանի առաջնությունը

Սպորտ 2013-03-15

Հայաստանի ֆիզիկական կուլտուրայի պետական մարմնի հիմնադրման 90-ամյակի առիթով Հայաստանում մեկնարկել է դահուկավազքի պատանիների առաջնություն, որն անցկացվել է Շիրակի մարզի Փոքրաշեն համայնքում:

Նախատեսվում է, որ առաջնությանը կմասնակցեն Գյումրիի, Ամասիայի, Վանաձորի, Աշոցքի և Հրազդանի 1993-1995թթ. և 1996-1999թթ. ծնված պատանիների և աղջիկների հավաքական թիմերը:

Մարտի 14-ին տեղի կունենա վիճակահանությունը, իսկ հաջորդ օրը՝ մարտի 15-ին, դասական ոճում տղաները կմրցեն 5կմ, իսկ աղջիկները՝ 3կմ տարածություններում: Նույն օրը 2-րդ տարիքային խմբում հանդես եկող տղաներըև աղջիկները ուժերը կչափեն 3կմ դասական ոճում:

Առաջնության վերջին օրը՝ մարտի 16-ին, տղաները կմրցեն 5կմ, իսկ աղջիկները 3կմ ազատ ոճում: Նույն օրը 3կմ ազատ ոճում իրենց ուժերը կչափեն 2-րդ տարիքային խմբում հանդես եկող տղաները և աղջիկները:

Աղբյուրը` sportarmenia.com

Մեկնարկել է դահուկավազքի պատանիների Հայաստանի առաջնությունը

Բաց մի թողեք նաև...