3D տպիչի օգնությամբ ստեղծվել է ձեռք 6-ամյա երեխայի համար

Ուշագրավ 2014-07-31

Ժամանակակից տեխնոլոգիաները ընձեռում են ոչ միայն փոխհաղորդակցման, տեղեկատվության տարածման ու ընդունման և մի շարք այլ գործառույթների, այլև ֆիզիկական-կենսաբանական որոշակի խնդիրների լուծման հնարավորություն:

Այսպես, Կենտրոնական Ֆլորիդայի համալսարանի մի խումբ ուսանողներ առանց աջ ձեռքի ծնված 6-ամյա Ալեքս Փրինգին օգնելու համար 3D տպիչով 7 շաբաթում տպել են նախատեսված մարմնի մասը:

Այս ամենի վրա ծախսվել է ընդամենը 350 դոլար։ Մինչդեռ վիրահատական ճանապարհով Փրինգի ձեռքը վերականգնելու համար բժիշկները պահանջել էին 40.000 դոլար։

Ինչպես նշում է “The Daily Mail”-ը, լիարժեք գործող ձեռքը մարմնին կցելուց հետո առաջին բանը, որ փոքրիկն արել է, եղել է իր մայրիկին փաթաթվելը։

«Ես ինձ շատ լավ եմ զգում։ Ռոբոտային ձեռքս շատ հարմար է ու ընդհանրապես ծանր չէ»,-ասել է տղան։

Ուսանողները պատմել են, որ որոշել են օգնել Փրինգին, երբ համացանցում կարդացել են նրա մոր տեղադրած գրառումը, որում կինը խնդրել է բարի մարդկանց օգնել որդուն` ձեռքի բերելու պրոթեզ ձեռք։

Աղբյուրը` www.tert.am

3D տպիչի օգնությամբ ստեղծվել է ձեռք 6-ամյա երեխայի համար

Բաց մի թողեք նաև...