Փառատոնը` միջմշակութային միավորող օղակ

Փառատոնը մեկնարկել է նկարիչ Միհայ Նեկիտա Բուկուլեցի ցուցահանդեսով Ապաֆի ամրոցում` Տրանսիլվանիայի Հայոց թանգարանում:

 

Ողջույնի և գնահատանքի խոսքերով են ներկայացել Ռումինիայում ՀՀ դեսպան Համլետ Գասպարյանը, Դումբրավենի քաղաքապետ Ջորջետա Իրիմիեն, բանաստեղծ ու խմբագիր Նիկոլաե Բաչուցը և կազմակերպիչներից դոկտոր Վասիլե Հաբորը:

 

Հաջորդ օրը դասախոսություններով են հանդես եկել Բուխարեստի Արվեստի ակադեմիայի պրոֆեսոր, նշանավոր նկարիչ և գրող Գեորգե Անգելը, ինչպես նաև ակադեմիկոս, մշակույթի նախկին նախարար Ռազվան Թեոդորեսկուն:

 

Վերջինս, խոսելով միջնադարյան Դումբրավենի մասին, նշել է Տրանսիլվանիայի պատմության մեջ հայերի ունեցած կարևոր դերի մասին:

 

Դեսպան Գասպարյանը, անդրադառնալով հայերի ունեցած դերին և հետքին, վստահություն է հայտնել, որ այս տարվա սկզբին Կլուժի Բաբեշ-Բոյայ համալսարանում բացված Հայագիտության ինստիտուտը կնպաստի հայկական ժառանգության վերհանմանը և ծանոթացմանը:

 

Փառատոնը եզրափակվել է Գեռլայի հայկական պարախմբի կատարմամբ:

 

Աղբյուրը` News.am