Այսօր 2011թ. մարտի 11-ի Ճապոնիայի երկրաշարժի զոհերի հիշատակի օրն է

Անցյալ շաբաթվա ընթացքում Ճապոնիան արդեն հիշել էր ազգային ողբերգությունը: Հիմնական խնդիրներից է ավերված ենթակառույցի դանդաղ վերականգնումը և բնակչության արտագաղթը: Տարերային աղետից հետո ամենից ավելի տուժած երեք նահանգներ` Միյագին, Ֆուկուսիման և Իվատեն, լքել են 72 հազար մարդ:

 

Տուժած թաղամասերի մի շարք դպրոցներում ավարտական միջոցառումներ են տեղի ունեցել, որտեղ հետմահու ավարտական վկայական են շնորհել 2011թ.  ցունամիի զոհ դարձած տասներորդ դասարանցիներին:

 

Խաղաղ օվկիանոսի ափին գտնվող Ռիկուձենտակատա քաղաքում հանդիսավորությամբ հուշատախտակ են տեղադրել «հույսի ծառին»` հսկա կաղնուն, որը հրաշքով կանգուն էր մնացել ցունամիի ալիքի հարվածից հետո և միլիոնավոր ճապոնացիների համար դարձել  երկրի վերականգնման խորհրդանիշ: Ցավոք, 27 մ-անոց ծառը չորացել էր և ցանկացած պահի կարող էր տապալվել, այդ պատճառով էլ տեղի բնակիչները վճռել էին այն փոխարինել պատճենով:

 

Խաղաղ օվկիանոսի հյուսիսարևելյան ափին գտնվող ճապոնական հիմնական Հոնսյու կղզում 9,0 մագնիտուդ ուժգնությամբ ստրոգետնյա ցնցումը հանգեցրել էր բազմաթիվ ավերածությունների և առաջացրել ցունամիի ալիք, որի բարձրությունը հասել էր 40 մ: Աղետը ոչնչացրել էր ամբողջական քաղաքներ, նաև վթար առաջացրել «Ֆուկուսիմա-1» ԱԷԿ-ում, որն իր հերթին հանգեցրել էր  հսկայական տարածքների աղտոտվածության ռադիոկատիվ նյութերով: Ըստ վերջին տվյալների` ողբերգության զոհ էր դարձել 15881 մարդ: ևս 2668 մարդ մինչ այժմ համարվում են անհետ կորած:

 

Աղբյուրը` news.am