Հետաքրքիր փաստեր ֆուտբոլի աշխարհի առաջնություններից

Իսկ դուք գիտեի՞ք, որ.

 

1. 1998թ.-ի աշխարհի առաջնության ընտրական փուլում Իրանը 17:0 հաշվով պարտության է մատնել Մալդիվներին:

 

2. Ավստրալիայի հավաքականի ֆուտբոլիստ Թիմ Չիլը աշխարհի առաջնություններում ավելի շատ գոլ է խփել, քան Ռոնալդուն,Մեսին և Ռունին միասին: Նա դարձել է 4 գոլի հեղինակ, Մեսին՝ 1, Ռոնալդուն՝ 2, իսկ Ռունին ոչ մի գոլ չի խփել:

 

3. Պատմության մեջ առաջին անգամ է, որ երկու մունդիալ անընդմեջ անցկացվում է Եվրոպայից դուրս:

 

4. Ֆրանսիայի հավաքականի նախկին ֆուտբոլիստ Լորան Բլանը միջազգային  յուրաքանչյուր հանդիպումից առաջ համբուրում էր թիմի դարպասապահ Ֆաբյեն Բարտեզի ճաղատ գլուխը:

 

5. Կոստա Ռիկան պատմության մեջ առաջին անգամ գրավեց մրցակցի դարպասը երկու անգամից ավելի (Ուրուգվայ - Կոստա Ռիկա՝ 1:3):

 

6. Գերմանիան չի պարտվել աշխարհի առաջնության ոչ մի մեկնարկային խաղում՝ սկսած 1990թ.-ից:

 

7. Մունդիալներում ամենաշատ կարմիր  քարտ ստացած հավաքականը Բրազիլիան է (11), երկրորդ տեղում Ուրուգվայն է (9), եռյակը եզրափակում է Արգենտինան (8):

 

8. ԱԱ-2014-ի ընտրական փուլում ամենաշատ գոլեր խփած հավաքականը Գերմանիան է՝  36 գոլ:

 

9. Հույն ֆուտբոլիստ Սոկրատիս Պապաստատոպուլոսի ազգանունը ամենաերկարն է ՖԻՖԱ-ի պատմության մեջ: Անգլերենում այս ազգանունը գրվում է 16 տառով:

 

10. Անգլիայի հավաքականը կրկին աչքի է ընկնում իր կամակորությամբ: Հավաքականի ֆուտբոլիստները Բրազիլիայի՝ իրենց հյուրանոցում ունեն 3 անհատական օգտագործման ռեստորան, վիդեո խաղերի սենյակ՝ 3 մեծ հեռուստացույցով: Բացի այդ նրանք ցանկանում են, որ հյուրանոցի լողավազանից ու մարզասրահից օգտվեն միայն իրենք:

 

11. Մունդիալի պատմության մեջ առաջին անգամ նախորդ առաջնության եզրափակիչում հայտնված զույգը, հաջորդ առաջնությունում մեկնարկում է կրկին միմյանց դեմ խաղով՝ Հոլանդիա - Իսպանիա:

 

12. Արգենտինացի լեգենդար ֆուտբոլիստ Դիեգո Մարադոնային ազգային հավաքական են հրավիրել 16 տարեկանում:

 

13. Մունդիալներում ամենաշատ հեթ-տրիկների հեղինակ դարձել է Գերմանիայի թիմը՝ 7 անգամ:

 

14. Արդեն 16 տարի է, ինչ Նիգերիան և Իրանը մունդիալներում ոչ մի հաղթանակ չեն տարել:

 

15. Հունիսի 13-ին կայացած Իսպանիա - Հոլանդիա հանդիպման՝ հոլանդացիների 5-րդ գոլը խփելու ժամանակ Արյեն Ռոբենը վազել է 37կմ/ժ արագությամբ. դա  մունդիալներում գրանցված ամենաբարձր արագությունն է:

 

16. Բրազիլիայի բնակչության միայն 48 տոկոսն է աջակցում աշխարհի առաջնության անցկացմանը:

 

17. Պատմության մեջ առաջին անգամ ֆուտբոլի աշխարհի առաջնությունում խփած առաջին գլոը ինքնագոլ էր:

 

18. Աշխարհի առաջնություններում ամենաքիչ հանդիսական եղել է 1930թ.-ին Ուրուգվայում կայացած առաջնության խաղերից մեկի ժամանակ՝ 300 ֆուտբոլասեր:

 

19.  Իտալացի պաշտպան Ջորջո Կյելինիին կծելուց հետո, ուրուգվայցի Լուիս Սուարեսը կորցրել է Թվիթերի 300 հազար ընթերցողի:

 

20. 1966թ.-ին աշխարհի առաջնության գավաթը գողացել են, սակայն առաջնության մեկնարկից մի քանի օր անց այն գտնվել է շան միջոցով: 1970թ.-ին, երբ Բրազիլիան երրորդ անգամ նվաճեց աշխարհի չեմպիոնի կոչումը գավաթը անվերադարձ հանձնեցին նրանց: 1983թ.-ին գավաթը կրկին գողացել են. գտնել չի հաջողվել:

 

21. Գերմանիայի ազգային հավաքականի նախկին դարպասապահ Օլիվեր Կանը ձախ աչքի հետ խնդիրներ ունի՝ վատ է տեսնում, սակայն դա չխանգարաեց նրան դառնալ աշխարհի լավագույն դարպասապահներից մեկը:

 

22. Մեքսիկացի Ռաֆայել Մարկեսը պատմության մեջ առաջին ֆուտբոլիստն է, ով աշխարհի 4 առաջնություն շարունակ կրում է հավաքականի ավագի թեւկապը:

 

23. Բոսնիա և Հերցեգովինան առաջին անգամ է խաղում աշխարհի առաջնությունում:

 

24. Արգենտինայի հավաքականի ֆուտբոլիստ Գոնսալո Իգուայինը ծնվել է Ֆրանսիայում, իսկ Արգենտինայի քաղաքացիություն ձեռք է բերել 2007թ.-ին:

 

25. Բրազիլիան միակ երկիրն է, որը մասնակցել է ֆուտբոլի աշխարհի բոլոր առաջնություններին:

 

Աղբյուրը՝ sport.news.am