Տեղի ունեցավ սպորտային պարերի բաց առաջնությունը

«Էջմիածին» խմբի կազմում էին նաև Արշալույսի Սամվել Գրիգորյանի անվան միջնակարգ դպրոցի տարրական դասարանների երեք աշակերտուհիներ՝ Մանուկյան Անահիտ, Ներսիսյան Մոնիկա և Գալստյան Սոնա: Մրցույթ-համերգը կազմակերպել և վարում էր «Պարի և սպորտային պարերի համահայկական խորհրդի» նախագահ Մարիաննա Մամյանը:

 

Երեխաներից շատերն իրենց առաջին բեմական քայլերը կատարեցին արհեստների և արվեստների մայրաքաղաք Գյումրիի քաղաքային զբոսայգու «Օաիզիս» համալիրի բեմի վրա: Սկսնակ պարուհիների շարքում էր նաև Արշալույսի դպրոցի չորրորդ դասարանի աշակերտուհի Գալստյան Սոնան, ով իր վստահ ելույթով հիացրեց ժյուրիի հայ և վրացի անդամներին և պարգևատրվեց առաջին տեղի պատվոգրով: Հիանալի ելույթ ունեցան նաև Արշալույսի դպրոցի երկրորդ դասարանի աշակերտուհի Ներսիսյան Մոնիկան և չորրորդ դասարանի աշակերտուհի Մանուկյան Անահիտը:

 

Պարային խմբերի կարգում մրցանակային երկրորդ տեղը գրավեց «Էջմիածին» պարային խումբը, գեղարվեստական ղեկավար՝ Դիանա Սարգսյան: Էջմիածնի խմբի սաներից շատերը գրավեցին տարբեր մրցանակային տեղեր՝ ստանալով պատվոգրեր և գավաթներ:

 

Պարային զույգերի կարգում Անահիտ Մանուկյանի զույգն արժանացավ երկրորդ մրցանակային տեղին:

 

Պարային բաց առաջնությունը ավարտվեց հայկական և վրացական ուրախ պարեղանակներով, որին մասնակցում էին բոլորը՝ և երեխաները, և ժյուրիի անդամներն ու պարուսույցները, և հանդիսատեսը: