Շախմատի աշխարհի չեմպիոն, նորվեգացի Մագնուս Կարլսենը Հայաստանում է

Հունիսի 23-ի առավոտյան շախմատիստները ուղղաթիռով մեկնել էին Տաթեւի վանք: «Ես էքսպրոմտով եմ ընդունվել գիդի աշխատանքի: Մագնուսին դուր եկավ այստեղ՝ թե խոհանոցը, թե պատմական վայրերը: Շատ ուրախ եմ, որ Կարլսենն այցելեց մեր երկիր: Ուրախ եմ, որ նա իր աչքերով կարողացավ տեսնել, թե ինչու է մեր երկիրն այսպես լավ խաղում շախմատ:

 

Օլիմպիադայում սպասում ենք միայն հաղթանակ: Հաճելի է, որ լինելու ենք Նորվեգիայում: Այնտեղ շատ սարեր կան, և դա շատ բնորոշ է մեր երկրին»,- ասաց Լևոն Արոնյանը:

 

Նշենք, որ Կարլսենը Երևանում ծաղիկներ է դրել աշխարհի 9-րդ չեմպիոն Տիգրան Պետրոսյանի հուշարձանին, միաժամանակյա խաղաշարեր անցկացրել պատանի շախմատիստների և ՀՀ Ազգային ժողովի պատգամավորների հետ:

 

Հիշեցնենք նաև, որ համաշխարհային օլիմպիադան տեղի կունենա օգոստոսին Նորվեգիայում:

 

Աղբյուրը՝ sport.news.am