ԱԱ-2014. ԱՄՆ - Պորտուգալիա՝ 2:2

Հանդիպման հաշիվն արդեն 5-րդ րոպեին բացեցին պորտուգալացիները: Աչքի ընկավ Նանին: Զարգացնել հաջողությունը Պորտուգալիան չկարողացավ, իսկ գերմանացի Յուրգեն Կլինսմանի գլխավորությամբ ԱՄՆ-ի թիմը երկրորդ խաղակեսում Ջերմեյն Ջոնսի գոլի շնորհիվ հավասարեցրեց հաշիվը:

 

81-րդ րոպեին էլ Քլինթ Դեմփսիի գոլի շնորհիվ ամերիկացիներն առաջ անցան հաշվի մեջ: Սիլվեստրե Վարելան ավելացված վերջին րոպեին փրկեց Պորտուգալիային ֆիասկոյից: Գոլային փոխանցումը կատարեց Կրիշտիանու Ռոնալդուն:

 

Հանդիպման լավագույն խաղացող ճանաչվեց ԱՄՆ-ի հավաքականի դարպասապահ Թիմ Հովարդը, որը մի քանի դրվագներում փրկեց իր թիմին գոլից:

 

Գերմանիայի և ԱՄՆ-ի հավաքականները վաստակել են 4-ական, Գանան ու Պորտուգալիան՝ 1-ական միավոր: Վերջին տուրում կմրցեն ԱՄՆ-ն ու Գերմանիան, Գանան ու Պորտուգալիան:

 

ԱԱ-2014. G խումբ, երկրորդ տուր

 

ԱՄՆ - Պորտուգալիա՝ 2:2

 

Ջերմեյն Ջոնս, 64, Կլինտ Դեմփսի, 81 - Նանի, 5, Վարելա, 90+5

 

Աղբյուրը՝ sport.news.am