ԱԱ-2014. Ռուսաստան-Հարավային Կորեա՝ 1:1

Հանդիպման 68-րդ րոպեին Կուն Հո Լիի հարվածից հետո ռուսների դարպասապահ Իգոր Ակինֆեևը կոպիտ սխալ թույլ տվեց և կորեացիներն առաջ անցան հաշվի մեջ: Փոխարինման դուրս եկած Ալեքսանդր Կերժակովի գոլի շնորհիվ Ռուսաստանի հավաքականը հինգ րոպե անց վերականգնեց հաշվի հավասարությունը: Կերժակովը Ռուսաստանի թիմի միակ խաղացողն է, որը 2002 թվականին մասնակցել է Հարավային Կորեայում և Ճապոնիայում կայացած աշխարհի առաջնությունում: Ռուսաստանը 12 տարվա դադարից հետո առաջին անգամ է մասնակցում աշխարհի առաջնության եզրափակիչ մրցաշարին:

 

Հանդիպման վերջնամասում ռուսներն ամեն ինչ արեցին ևս մեկ անգամ հաջողության հասնելու համար, սակայն այլևս գոլեր չգրանցվեցին, և թիմերը մեկական միավոր վաստակեցին: Իսկ H խմբի առաջին խաղում Բելգիան կամային հաղթանակ է տարել Ալժիրի նկատմամբ:

 

Հանդիպման լավագույն ֆուտբոլիստ ճանաչվեց հարավկորեացի Հյուն Մին Սոնը:

 

Աղբյուրը՝ sport.news.am