ԱԱ-2014. Արգենտինան հաղթանակ տարավ Բոսնիա և Հերցեգովինայի նկատմամբ

Ռիո դե Ժանեյրոյի «Մարականա» ստադիոնում կայացած խաղի մեկնարկը հաջող էր Արգենտինայի թիմի համար, քանի որ երրորդ րոպեին գերմանական «Շալկեի» բոսնիացի պաշտպան Սեյադ Կոլաշինացը դարձավ ինքնագոլի հեղինակ: Առաջին խաղակեսը հարուստ չէր գոլային պահերով: Արգենտինացիներն ունեին ոչ մեծ առավելություն, սակայն չէին կարողանում ստեղծել իրական գոլային պահեր, իսկ եվրոպացիները հաճախ էին գրոհում և ունեցան 2 վտանգավոր պահ, որոնք չօգտագործեցին:

 

Ընդմիջմանն Արգենտինայի հավաքականի գլխավոր մարզիչ Ալեխանդրո Սաբելյան խաղադաշտ դուրս բերեց նաև երրորդ հարձակվող Գոնսալո Իգուաինին, իսկ Լիոնել Մեսին նահանջեց ենթահարձակվողի դիրք, ինչից հետո հարավամերիկացիների գրոհները դարձան ավելի վտանգավոր ու բազմատիպ: Բոսնիացիները նույնպես չէին մոռանում գրոհելու մասին, սակայն 65-րդ րոպեին բաց թողեցին նաև երկրորդ գոլը: Արգենտինացիների առավելությունը գեղեցիկ հարվածով կրկնապատկեց Լիոնել Մեսին, ով այնքան էլ հաջող չէր գոծում մինչև այդ դրվագը: Բոսնիացիները շարունակում էին գրոհել, իսկ 85-րդ րոպեին փոխարինման դուրս եկած Վեդադ Իբիշևիչի գոլի շնորհիվ նաեւ կրճատեցին հաշվի տարբերությունը, բայց ավելին անել չհաջողվեց:

 

F խմբում են ընդգրկված նաև Իրանի և Նիգերիայի հավաքականները, որոնք կհանդիպեն հունիսի 16-ին:

 

ԱԱ-2014, F խումբ, առաջին տուր

 

Արգենտինա – Բոսնիա և Հերցեգովինա՝ 2:1

 

Սեյադ Կոլաշինաց, 3 (ինքնագոլ), Լիոնել Մեսի, 65 – Վեդադ Իբիշեւիչ, 85 

 

Արգենտինա. Սերխիո Ռոմերո, Պաբլո Սաբալետա, Էզեկյել Գարայ, Հուգո Կամպանյարո (Ֆերնանդո Գագո, 46), Մարկոս Ռոխո, Ֆեդերիկո Ֆերնանդես, Խավյեր Մասկերանո, Անխել Դի Մարիա, Մաքսի Ռոդրիգես (Գոնսալո Իգուաին, 46), Լիոնել  Մեսի, Սերխիո Ագուերո (Լուկաս Բիլիա, 87):

 

Բոսնիա-Հերցեգովինա. Ասմիր Բեգովիչ, Էրմին Բիչակչիչ, Էմիր Սպահիչ, Սեյադ Կոլաշինաց, Մուհամեդ Բեշիչ, Մենսուր Մայուջա (Վեդադ Իբիշեւիչ, 69), Միրելեմ Պյանիչ, Զվեզդան Միսիմովիչ (Հարիս Մեդունյանին, 74), Սենադ Լուլիչ, Սեյադ Հայրովիչ (Էդին Վիսցա, 71), Էդին Ջեկո:

 

Աղբյուրը՝ sport.news.am