Շախմատային լրահոս

Երկրորդ տուրում Լևոն Արոնյանի մրցակիցը կլինի ռուսաստանցի Սերգեյ Կարյակինը:

 

Սուպերմրցաշարի առաջին տուրում միակ հաղթանակը տարավ իտալացի գրոսմայստեր Ֆաբիանո Կարուանան, ով սևերով ուժեղ էր ռուսաստանցի Ալեքսանդր Գրիշչուկից:

 

Առաջին տուրում սպիտակներով ոչ ոքի խաղաց նաև աշխարհի չեմպիոն, նորվեգացի Մագնուս Կարլսենը, ում մրցակիցը հոլանդացի Անիշ Գիրին էր: Միավորը կիսեցին նաև ռուսաստանցիներ Պյոտր Սվիդլերն ու Վլադիմիր Կրամնիկը, ռուսաստանցի Սերգեյ Կարյակինն ու բուլղարացի Վեսելին Տոպալովը:

 

Հիշեցնենք, որ մրցաշարը կավարտվի հունիսի 13-ին:

 

Տեղեկացնենք նաև, որ Բուլղարիայի Պլովդիվ քաղաքում ս.թ. հուլիսի 6-ից 17-ը տեղի կունենա շախմատի կանանց Եվրոպայի 15-րդ անհատական առաջնությունը:

 

11 տուրով, շվեյցարական մրցակարգով մրցաշարին կմասնակցեն նաև Հայաստանի ուժեղագույն շախմատիստուհիները, ովքեր պատրաստվում են օգոստոսի 1-ին Նորվեգիայում մեկնարկելիք Համաշխարհային օլիմպիադային:

 

Պլովդիվում հանդես կգան Էլինա Դանիելյանը, Լիլիթ Մկրտչյանը, Մարիա Կուրսովան, Լիլիթ Գալոյանը, Շուշան Սարգսյանը:

 

Աղբյուրը՝ sport.news.am