Ավարտվեցին 1/16-ի բոլոր հանդիպումները

Սպորտ 2014-05-29

Մայիսի 28-ը Չարենցավանի 6-րդ, Բյուրեղավանի ա/դ-ի, Երևանի 179-րդ, Եղեգնաձորի 1-ին, Գորիսի 2-րդ, Կապանի 3-րդ, Երևանի 124-րդ, Արմավիրի 2-րդ դպրոցների համար կրկնակի տոն դարձավ. բացի Հանրապետության տոնը, նրանք նշում էին նաև իրենց ֆուտբոլային թիմերի հաղթանակը:

Ինչպես մայիսի 27-ին, այս անգամ ևս 1/16-ի մյուս 8 խաղերը տեղի ունեցան «Բանանց» ֆուտբոլային ակումբում: Հիշեցնենք նաև, որ պարտվողը լքում է առաջնությունը:

Ճիշտ է, այս անգամ խոշոր հաշվով հաղթանակներ չգրանցվեցին, սակայն բավականին հետաքրքիր պայքար ծավալվեց Երևանի 124-րդ և Հայթաղի թիմերի միչև: Հիմնական խաղն ավարտվեց ոչ-ոքի՝ 2:2 հաշվով, ուստի մրցավարի կողմից ավելացված ժամանակում հաջողությամբ իրացնելով 11 մետրանոցները, 9:8 հաշվով 1/8 դուրս եկավ Երևանի 124-րդի թիմը:

Բյուրեղավանի ա/դ-ի սաները, 9:2 հաշվով հաղթանակ տանելով տեղի 31-րդ դպրոցի թիմի նկատմամբ, ապացուցեցին, որ նրանց կարելի է մրցաշարի ֆավորիտ համարել: Չարենցավանի 6-րդ դպրոցի թիմը ևս 5:1 հաշվով հաղթանակ տարավ Երևանի 71-ի նկատմամբ, չնայած երկար ճանապարհորդության դեպի մայրաքաղաք:

Արմավիրի 2-րդը խաղի հենց առաջին վայրկյաններից անցավ գրոհների` գործի դնելով բացառապես թիմային խաղ, ինչի շնորհիվ խաղն ավարտեցին 3:1 հաշվով՝ Երևանի 37-րդին դուրս թողնելով առաջնությունից:

Այսիպիսով «Կոկա-Կոլա գավաթ 2014» 1/16-րդը ավարտված է: Շնորհավորում ենք բոլոր թիմերին և մաղթում հաջողություն:

Արդյունքները՝

Երևան 71 - Չարենցավան 6՝ 1:5

Երևան 31 – Բյուրեղավանի ա/դ՝ 2:9

Երևանի 179 – Արենու դ.՝ 6:4

Երևան 164 – Եղեգնաձոր 1՝ 2:8

Գորիս 2 – Վանաձոր 17՝ 2:1

Կապան 3 – Ալավերդի 12՝ 5:1

Երևան 124 – Հայթաղի դ.՝ 2:2 (9:8)

Երևան 37 – Արմավիր 2՝ 1:9

Տեղեկացնենք նաև, որ ս.թ. հունիսի 3-ին՝ ժամը 14:00-ից սկսած, «Բանանց» ֆուտբոլային ակումբում կմեկնարկեն 1/8-րդի խաղերը:

Ավարտվեցին 1/16-ի բոլոր հանդիպումները

Բաց մի թողեք նաև...