ՀՀ նախագահ Սերժ Սարգսյանի մրցանակները 2013թ.-ի մրցանակակիրներին

Բացման հանդիսավոր արարողության ժամանակ ՀՀ նախագահը շնորհավորեց մշակույթի, կրթության և գիտության ոլորտներում, ինչպես նաև Հայոց ցեղասպանության ճանաչման գործում նշանակալի ավանդ ներդրած ՀՀ նախագահի մրցանակին արժանացած անձանց:

 

Նշենք նաև, որ ՀՀ նախագահի 2013թ.-ի մրցանակների շնորհման համար ձևավորված հանձնաժողովների ներկայացուցիչների խոսքով՝ մրցանակներին առաջադրված աշխատանքներն ընտրվել են հանձնաժողովների անդամների կողմից միաձայն: Ընտրվել են միայն հեռանկար և գիտական անգնահատելի արժեք ունեցող աշխատանքները:

 

Հայոց ցեղասպանության ճանաչման գործում նշանակալի ավանդի համար մրցանակի արժանացան ՀՀ ազգային արխիվի տնօրեն, պատմական գիտությունների դոկտոր, պրոֆոսոր Ամատունի Վիրաբյանը և պատմական գիտությունների թեկնածու Գայանե Ավագյանը՝ «Հայոց ցեղասպանությունը Օսմանյան Թուրքիայում. Վերապրածների վկայություններ (1916-1917թթ.)» հայերեն եռահատորյան փաստաթղթերի ժողովածուի և նույնանուն անգլերեն հատընտիր ժողովածուի համար: Նույն անվանակարգում մրցանակ շնորհվեց իսրայելցի, գիտնական, պատմաբան Յահիր Աուրոնին «Սիոնիզմը և Հայոց ցեղասպանությունը» գրքի և տասնամյակների ընթացքում իրականացրած գիտական գործունեության համար:

 

ՀՀ նախագահի 2013թ.-ի մրցանակին արժանացան բնագիտական գիտությունների զարգացման, տեխնիկական գիտությունների և ինֆոմացիոն տեխնոլոգիաների, ինչպես նաև ֆիզիկայի բնագավառների գիտական աշխատանքները:

 

ՀՀ նախագահի 2013թ.-ի մրցանակից անմասն չէին մնացել նաև այն երիտասարդները, ովքեր առաջադրվել ու մրցանակի են արժանացել մշակույթի ու գրականության բնագավառներում:

 

Արվեստի բնագավառում «Հաղթահարում» գեղանկարի համար մրցանակ ստացավ Գոռ Գյուրջյանը, իսկ Ժաննա Նազարյանն ու Ռազմիկ Նազարյանը՝ «Այստեղ՝ մեր կողքին» վավերագրական ֆիլմի համար:

 

Գրականության բնգավառում մրցանակի արժանացավ երիտասարդ գրող Մանե Գրիգորյանը՝ «Ցուրտ կին» բանաստեղծական ժողովածուի համար:

 

Բարձր կատարողական արվեստի և լավագույն կատարումների համար դասական երաժշտության բնագավառներում մարցանակների արժանացան Լուիզա Երեմյանը, Սերգեյ Սարգսյանը, Գրիգոր Աբրահամյանը, Ժորա Սարգսյանը:

 

Աղբյուրը՝ armenpress.am