Սպորտային միջոցառում Արարատի մարզի Նոր ուղու միջնակարգ դպրոցում

Կազմակերպվել էին պարանի ձգման, գնդակներով և օղակներով զվարճալի խաղեր, որոնք մրցակցության պայքարում ընթացան՝ հանդիսատեսին պատճառելով ամենաբարձր ոգևորություն և տրամադրություն: Թիմերից հաղթեց 6-րդ դասարանի խումբը:

 

Հաստատության տնօրեն Ա Մայիլյանը  ողջունելով մասնակիցներին, նշեց,որ մրցույթը գեղեցիկ էր կազմակերպված և կարևորը հաղթանակը չէ, այլ դահլիճում տիրող ուրախ տրամադրությունը: Սա խրախուսում է աշակերտներին զբաղվելու սպորտով: Բացի այդ, սովորողների ուսումնական գործընթացը միշտ պետք է ուղեկցվի ֆիզիկական դաստիարակությամբ: 

 

Երեխաների համար կարևոր է այս միջոցառումը, քանի որ ավելի է մտերմիկ դաձնում ուսուցիչ-աշակերտ, աշակերտ-աշակերտ  փոխհարաբերությունները և իմաստավորում աշակերտների առօրյան:

 

Նշենք, որ նախաձեռնության հեղինակը ֆիզկուլտուրայի երիտասարդ ուսուցիչ Հ. Գալստյանն էր, որը արդյունավետ համագործակցելով տնօրինության հետ, հաճախակի է կազմակերպում նմանօրինակ մասսայական միջոցառումներ: