«Հետաքրքրաշարժ աշխարհագրություն» մրցույթ վիկտորինա

Կրթական 2014-05-16

Երևանի Վ. Համբարձումյանի անվան թիվ 12 հիմնական դպրոցում ավանդույթ է դարձել մրցույթ-վիկտորինաների անցկացումը:

Աշխարհագրության ուսուցչուհի Գ. Աբգարյանը կազմակերպել էր «Հետաքրքրաշարժ աշխարհագրություն» մրցույթ-վիկտորինա: Մրցույթն անցկացվեց VII դասարանցիների միջև: Պայքարն իսկապես լարված էր, քանի որ մրցում էին ուժեղագույնները:

Ընտրված էին հետաքրքրաշարժ և ճանաչողոկան նշանակություն ունեցող հարցեր: Վիկտորինան բաղկացած էր IV փուլից, որոնցից յուրաքանչյուրը առանձնանում էր շատ ուսանելի, դիպուկ հարցումներով և անկախատեսելի քայլերով:

Հանդիսատեսին շատ ոգևորեց «Տնային հանձնարարություն» փուլը, որի ընթացքում թիմերը ներկայացան տարբեր երկրների դրոշներով, սովորույթներով, խորհրդանիշներով:

Իսկ ավարտը շատ գեղեցիկ եզրափակումն էր՝ Հայաստանի քարտեզի մաս-մաս հավաքումով:

«Հետաքրքրաշարժ աշխարհագրություն» մրցույթ վիկտորինա

Բաց մի թողեք նաև...