Սպորտլանդիա Նոր Հաճնի թիվ 1 հիմնական դպրոցում

Սպորտլանդիա անցկացնելու նպատակը աշակերտների մարզական և առողջական տվյալների բարձրացումն էր, այն նաև նպատակ ուներ երեխաների մեջ սերմանել հաղթանակի հասնելու ձգտումը՝ պահպանելով արդարացի խաղի սկզբունքները և զարգացնել աշակերտների համագործակցելու կարողությունը:

 

Ֆիզկուլտուրայի ուսուցիչներ Գ. Իվանյանը և Բ. Ուդումյանը տարբեր սպորտաձևերում ինչպես հարկն է նախապատրաստել էին մասնակից թիմերին: Մարզադահլիճն ու երեխանները ապահովված էին սպորտային պարագաներով:

Երեխանները մրցում էին մեծ խանդավառությամբ և ոգևորությամբ: 

 

Սպորտլանդիայի ժամանակ աշակերտները հաղթահարեցին հետևալ փորձությունները՝ պարանի ձգում, էստաֆետա` խոչընդոտների հաղթահարմամբ, վազք` գնդակի նետումով և պարկի միջով անցնելով:

 

Մրցույթի մասնակից աշակերտները առանձնահատուկ խանդավառությամբ կատարեցին Ֆիզկուլտուրայի ուսուցիչ` Գ. Իվանյանի մտահղացմը, որի ժամանակ բաժակի օգնությամբ ջուրը մի դույլից մյուսն էին տեղափոխում:

 

75 միավորով 4-րդ «ա» դասարանցիները հաղթող ճանաչվեցին: Նրանք իրար ձեռք սեղմեցին`ի նշան բարեկամության, որովհետև սպորտը բարեկամություն և ընկերություն է ամրապնդում: