Շախմատային լրահոս

Գրոսմայստեր Կարեն Մովսիսյանը Իսպանիայի Յուկմայոր քաղաքում անցկացվող օփենում երեք տուրից հետո 3 միավորով 185 մասնակիցների մեջ գլխավորում է աղյուսակը: Նույնքան միավոր են վաստակել ևս 9 մասնակիցներ, բայց նրանք Մովսիսյանին զիջում են լրացուցիչ ցուցանիշներով:

 

Գրոսմայստեր Վարուժան Հակոբյանը Սենթ Լուիսում անցկացվող ԱՄՆ-ի առաջնության 5-րդ տուրում սեւերով պարտության է մատնել առաջատարներից Թիմուր Գարեեւին և 3 միավորով բաժանում է 2-5-րդ տեղերը: Աղյուսակը 4 միավորով գլխավորում է գրոսմայստեր Ալեքսանդր Լենդերմանը:

 

ԱՄՆ-ում ընթացող կանանց առաջնությունում 4 տուրերից հետո գրոսմայստեր Տաթև Աբրահամյանը 2,5 միավորով ընթանում է երրորդ տեղում: Առաջատարը 3,5 միավոր հավաքած գրոսմայստեր Իրինա Կրաշն է:

 

Միջազգային վարպետ Ռուսլան Կուրայանը (Ուկրաինա) Ֆրանսիայի Գրոսեթո-Պրունիա քաղաքում անցկացված օփենում 7 հնարավորից վաստակել է 6 միավոր և 120 մասնակիցների մեջ բաժանել է 1-5-րդ տեղերը: Լրացուցիչ ցուցանիշներով Կուրայանին շնորհվել է 5-րդ մրցանակը: Մրցաշարի հաղթող է դարձել գրոսմայստեր Լորան Ֆրեսինեն (Ֆրանսիա):

 

Աղբյուրը՝  armchess.am