«Շրի-Լանկայի օրեր» Երևանում

Միջոցառումները Մոսկվայում կմեկնարկեն մայիսի 29-ին, որից հետո տեղի կունենան Կազանում, Սամարայում, Սարատովում, Վոլգոգրադում, Ռոստովում և վերջնական կետը կլինի Երևանը՝ հունիսի 17-ին:

 

Գունագեղ փառատոնի նպատակն է Շրի-Լանկան մոտ դարձնել Ռուսաստանին և Հայաստանին բիզնեսի և մշակույթի տեսակետից: ՌԴ-ում Շրի-Լանկայի դեսպանատունն այս երկրի մշակույթի և արվեստի սիրահարներին հրավիրում է նշված քաղաքներ, որպեսզի մոգական ճանապարհորդություն իրականցնեն նրա պատմության, մշակույթի միջով, զգան նրա գեղեցկությունն ու հյուրընկալությունը:

 

Շրի-Լանկայի քաղաքակրթությունը բազմադեմ է, ինչպես և բնանկարային փառատոնների նրա հսկայական ժառանգությունը բոլոր գույներով ու ավանդույթներով՝ բուդդիզմից մինչև քրիստոնեություն, հինդուիզմ և իսլամ: Այդ մշակույթը ցույց տալու համար Շրի-Լանկայի առաջատար պարի խումբը հանդես կգա Ռուսաստանում և Հայաստանում:

 

Ելույթները տեղի կունենան առևտրի խոշոր կենտրոններում և մասնակից քաղաքների բաց հրապարակներում:

 

Սովորաբար թեյը կապում են Շրի-Լանկայի կամ Ցեյլոնի հետ, ինչպես որ կոչվում էր մինչև 1972թ.-ը: Եվ զարմանալի չէ, քանի որ Հնդկական օվկիանոսում գտնվող այդ կղզին աշխարհում երկրորդն է ըստ թեյի արտահանման: Ուստի հանդիսությունների ժամանակ ներկաները կկարողանան ցեյլոնյան թեյ խմել: Բացի այդ, Շրի-Լանկայի դեսպանությունը մի շարք տուրիստական սեմինարներ կանցկացնի:

 

Աղբյուրը՝ news.am