Հեքիաթային հանդես Գյումրու թիվ 25 դպրոցում

Միջոցառման մտահաղացումը հետաքրքիր էր: Բոլոր հերոսները եկել էին գտնվելու Անահիտ թագուհու ծննդյան տոնին: Մթնոլորտն այնքան անկեղծ էր, անմիջական ու ջերմ, որ ներկա գտնվողներին մի պահ թվաց, թե իրենք գտնվում են հեքիաթային աշխարհում: Տրամադրող էր և դահլիճը և երեխաների հագուստը: Ստեղծված էր իրոք հեքիաթի կոլորիտ:

 

Մեծ խանդավառություն առաջացրին երեխաների ուժերով ներկայացվող  բեմականացումները: Միջոցառման իրական հերոսները երեխաներն էին: Իրենց ազատ ու անկաշկանդ խոսքից, ինքնավստահ կեցվածքից, մարմնավորած հեքիաթային կերպարների գրավչությունից անմիջապես զգացվում էր, որ նրանք էին իրադրության իսկական տերը: Հանդեսի ականատեսներն էին դպրոցի աշակերտները, մանկավարժները և ծնողները: Միջոցառումը կազմակերպել էր 3 «ա» դասարանի դասվար Ամալյա Մանուկյանը: