Թուրքմենստանում անցկացվում են հայ մշակույթի օրեր

Ապրիլի 9-ին Թուրքմենբաշիում և ապրիլի 11-ին Աշխաբադում տեղի կունենան հայ մշակույթի օրերի շրջանակում Հայաստանի ազգային նվագարանների պետական նվագախմբի (գեղարվեստական ղեկավար և գլխավոր դիրիժոր, ՀՀ վաստակավոր արտիստ, պրոֆեսոր Նորայր Դավթյան), «Հոգու և պարի» թատրոնի (գեղարվեստական ղեկավար, ՀՀ վաստակավոր արտիստ Սոֆի Դևոյան), հայ երգարվեստի ներկայացուցիչների համերգները:

 

Ապրիլի 8-11-ը Վաթան սրահում և կինոթատրոնում կկայանա հայկական ֆիլմերի հետահայաց ցուցադրություն, ինչպես նաև հայ ժամանակակից նկարիչների ցուցահանդես Թուրքմենստանի կերպարվեստի թանգարանում:

 

Մշակույթի օրերն անցկացվում են «Հայաստանի Հանրապետության մշակույթի նախարարության և Թուրքմեսնտանի մշակույթի ու հեռուստառադիոհեռարձակման նախարարության միջև մշակույթի բնագավառում համագործակցության մասին» ստորագրված համաձայնագրի և ՀՀ նախագահ Սերժ Սարգսյանի Թուրքմենստան կատարելիք պաշտոնական այցի շրջանակում:

 

Աղբյուրը՝ mincult.am