Միջոցառում նվիրված «Բարեկենդան» տոնին

Կրթական 2014-04-03

Հրազդանի թիվ 12 հիմնական դպրոցում՝ ռուսերենով ուսուցմամբ դասարաններում, օրերս անցկացվեց միջոցառում` նվիրված «Բարեկենդան» տոնին: Երեխաները ունեին տոնական տրամադրություն: Նրանք ծնողների օգնությամբ պատրաստել էին տոնական ուտեստներ` բլիթներ, յուղաբլիթներ, կարկանդակներ:

Աշակերտները ռուսերենով ներկայացրին տոնի խորհուրդը, Բարեկենդանին նվիրված շաբաթվա օրերի նշանակությունը, հայ և ռուս ժողովուրդների տոնական ծիսակատարությունների տարբերությունները:

Տոնական շաբաթվա երկուշաբթին այցելությունների օր է, երեքշաբթին` ուրախ ազգային խաղերի, չորեքշաբթին` համեղ ուտեստների օր, հինգշաբթին՝ հարսնացուների, մայրերի կազմակերպած երեկույթի օրն է, ուրբաթը` փեսացուի քրոջ` տանից դուրս չգալու օրը և շաբաթը՝ ներման օրն է:

Ապա երեխաները արտասանեցին տոնին նվիրված բանաստեղծություններ, երգեցին խաղիկներ, ներկայացրին Հովհաննես Թումանյանի «Բարեկենդան» հեքիաթը:

Ոչ միայն աշակերտները, այլ նաև ներկա հյուրերը մեծ բավականություն ստացան միջոցառումից, քաղեցին նոր գիտելիք՝ ազգային տոների և ծեսերի մասին:

Միջոցառում նվիրված «Բարեկենդան» տոնին

Բաց մի թողեք նաև...