«Բարսելոնա» - «Աթլետիկո»՝ 1:1

Բարսելոնայում կայացած հանդիպման առաջին խաղակեսում գոլեր չգրանցվեցին, թեև թիմերն ունեցան մեկական իրական գոլային պահեր: «Աթլետիկոյից» հարմար դիրքից վրիպեց «Բարսելոնայի» նախկին հարձակվող Դավիդ Վիլյան, իսկ կատալոնացիներից՝ Անդրես Ինյեստան:

 

Հանդիպման սկզբնամասում վնասվածքի պատճառով փոխարինվեցին «Բարսելոնայի» իսպանացի պաշտպան Խերարդ Պիկեն ու «Աթլետիկոյի» լավագույն ռմբարկու Դիեգո Կոստան, ում փոխարեն խաղադաշտ դուրս եկած բրազիլացի Դիեգոն ընդմիջումից հետո գեղեցիկ հարվածով բացեց հաշիվը:

 

 71-րդ րոպեին «Բարսելոնայի» բրազիլացի հարձակվող Նեյմարը հավասարեցրեց հաշիվը, սակայն կատալոնացիներին չհաջողվեց անել ավելին: 1:1 և ամեն ինչ կորոշվի պատասխան խաղում:

 

«Բարսելոնայի» և «Աթլետիկոյի» միջև պատասխան հանդիպումը կկայանա ապրիլի 9-ին Մադրիդում:

 

Չեմպիոնների լիգա, 1/4 եզրափակիչ, առաջին խաղ 

 

«Բարսելոնա» (Իսպանիա) - «Աթլետիկո» (Իսպանիա)՝ 1:1

 

Աղբյուրը՝ sport.news.am