Հայ ըմբիշները պատրաստվում են Եվրոպայի առաջնությունը

«Նախապատրաստական փուլը նորմալ է անցել: Բոլոր ուսումնամարզական հավաքները, միջազգային մրցաշարերն անցել են նախատեսածի պես: Ամենակարեւորն այն է, որ իրենք կարողանան գորգի վրա ցույց տալ այն, ինչի ընդունակ են: Ցակացած մրցման մեկնում ենք սպասելիքներով: Մեր թիմը միշտ մարտական է տրամադրված: Նորից եմ կրկնում ՝ ամենակարեւորն այն է, որ իրենք կարողանան գորգի վրա ցույց տալ այն, ինչի ընդունակ են»,- ասաց հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանը:

 

Պատասխանելով դիտարկմանը, թե Արսեն Ջուլֆալակյանի հիմնական մրցակից, Լոնդոնի Օլիմպիական խաղերի չեմպիոն, ռուս Ռոման Վլասովի՝ Եվրոպայի առաջնությանը չմասնակցելը մեծացնում է հայ ըմբիշի հաղթելու շանսերը, հավաքականի գլխավոր մարզիչն ասաց.

 

«Հիմնական մրցակից ասելը հարաբերական է. բոլորն էլ հիմնական մրցակիցներ են: Չեմ կարող որևիցե մեկին առանձնացել: Ցանկացած մասնագետ հիմնական մրցակից է տեսնում բոլորի մեջ: Անկախ անուններից՝ բոլոր գոտեմարտերին պետք է մոտենալ եզրափակիչի նման»,- եզրափակեց Ջուլֆալակյանը:

 

Աղբյուրը՝ sport.news.am