Ավարտվեց Խանտի Մանսիսկում ընթացող հավակնորդների մրցաշարը

Վերջին՝ 14-րդ տուրում ՖԻԴԵ-ի երկրորդ համարը սպիտակներով 94-րդ քայլում պարտվեց ռուս Սերգեյ Կարյակինին, ում հաղթել է առաջին շրջանում:

 

Հայաստանի հավաքականի առաջատար Լևոն Արոնյանը պարտությամբ ավարտեց Ռուսաստանի Խանտի Մանսիսկ քաղաքում կայացած շախմատի աշխարհի չեմպիոնի հավակնորդների մրցաշարը: Հայ գրոսմայստերը 14 տուրերում տարավ 4 հաղթանակ, կրեց 4 պարտություն՝ 6 պարտիա ավարտելով ոչ ոքի:

 

Լևոն Արոնյանը մրցաշարն ավարտեց 6.5 միավորով՝ գրավելով 6-րդ տեղը: Նույնքան միավոր վաստակեց նաև ռուս Պյոտր Սվիդլերը:

 

Հիշեցնենք, որ վերջին տուրից առաջ հնդիկ Վիշվանաթան Անանդն ապահովել էր մրցաշարի հաղթողի տիտղոսը՝ հնարավորություն ստանալով աշխարհի գործող չեմպիոն Մագնուս Կարլսենի հետ պայքարել շախմատային թագի համար: Արոնյանի նկատմամբ հաղթանակի շնորհիվ Կարյակինը 7.5 միավորով բարձրացավ երկրորդ տեղ: Ռուս Վլադիմիր Կրամնիկը հավաքեց 7 միավոր և, լրացուցիչ ցուցանիշներով գերազանցելով Դմիտրի Անդրեյկինին ու Շաքրիյար Մամեդյարովին, եզրափակեց լավագույն եռյակը:

 

Հավակնորդների մրցաշար, 14-րդ տուր  

 

Լևոն Արոնյան (Հայաստան, 2830) - Սերգեյ Կարյակին (Ռուսաստան, 2766)՝ 0:1

Վիշվանաթան Անանդ (Հնդկաստան, 2770) - Պյոտր Սվիդլեր (Ռուսաստան, 2758)՝ 0.5:0.5

Շաքրիյար Մամեդյարով (Ադրբեջան, 2757) - Վլադիմիր Կրամնիկ (Ռուսաստան, 2787)՝ 0.5:0.5

Վեսելին Տոպալով (Բուլղարիա, 2785) - Դմիտրի Անդրեյկին (Ռուսաստան, 2709)՝ 0.5:0.5

 

Մրցաշարային աղյուսակ.

 

1. Վիշվանաթան Անանդ 8.5  57.25

 

2. Սերգեյ Կարյակին 7.5  51.75

 

3. Վլադիմիր Կրամնիկ 7  49.25

 

4. Շաքրիյար Մամեդյարով 7  48

 

5. Դմիտրի Անդրեյկին 7  48.5

 

6. Լևոն Արոնյան 6.5  45

 

7. Պյոտր Սվիդլեր 6.5  46

 

8. Վեսելին Տոպալով 6  42.25

 

Աղբյուրը՝ sport.news.am