Աշխարհի Գավաթ. հայ մարմնամարզիկները դարձել են ոսկե ու արծաթե մեդալակիրներ

Աշխարհի գավաթի խաղարկությանը մասնակցում են 37 երկրի 136 մարզիկ-մարզուհիներ: Դոհայում Հայաստանը ներկայացնում են Արթուր Դավթյանը, Հարություն Մերդինյանը, Արթուր Թովմասյանը և Վահագն Դավթյանը:

 

Արդեն կայացել է նժույգաթափեր և օղակներ մրցաձևերի եզրափակիչները: Հայ մարմնամարզիկները որակավորման փուլից հետո շարունակել են փայլուն ելույթները՝ արդեն եզրափակչում: Նժույգաթափերում 15, 475 միավորով լավագույնն է ճանաչվել Հարություն Մերդինյանը՝ Աշխարհի գավաթի 2014թ խաղարկությունում 1-ին ոսկե մեդալը պարգևելով Հայաստանի հավաքականին: 

 

Երկրորդ ոսկե մեդալը երկար սպասեցնել չտվեց: Օղակներում Արթուր Թովմասյանը 15, 575 միավորով դարձավ ոսկե մեդալակիր: Այս մրցաձևում ի ուրախություն մեզ պատվո պատվանդանի 2-րդ աստիճանին կանգնեց Վահագն Դավթյանը՝ 15, 425 միավորով նվաճելով արծաթե մեդալ:

 

Նշենք, որ հայ մարմնամարզիկները իրենց հաջող ելույթները սկսել են որոկավորման փուլից: Արթուր Դավթյանը հենացատկ մրցաձևում իր բոլոր մրցակիցներին գերազանցել է ու 15,175 միավորով զբաղեցրել է առաջին տեղը: Հաջող ելույթ է ունեցել նաև փորձառու մարմնամարզիկ Հարություն Մերդինյանը: Մերդինյանը նժույգաթափում 15,45 միավորով գերազանցել է բոլոր մրցակիցներին:

 

Մարմնամարզիկների փայլուն ելույթները շարունակել են Արթուր Թովմասյանն ու Վահագն Դավթյանը, ովքեր լավագույնն են եղել օղակների վրա: Թովմասյանը 15,75 միավորով գրավել է առաջին տեղ, Դավթյանը՝ 15, 45 միավորով 2-րդ:

 

Մեզ մնում է միայն շնորհավորել հայ մարմնամարզիկներին ու հաջողություն մաղթել:

 

Աղբյուրը՝ sport.news.am