«Սպորտլանդիա» Չարենցավանի թիվ 5 դպրոցում

2014 թվականի մարտին կայացավ հերթական սպորտլանդիան Չարենցավանի թիվ 5 հիմնական դպրոցի 2-րդ և 3-րդ դասարանների «Առյուծ» և «Արծիվ» թիմերի միջև, որը կազմակերպվեց ֆիզկուլտուրայի ուսուցիչներ Ա. Ավագյանի և Ա. Սաֆարյանի կողմից:

 

Մրցույթի հիմնական նպատակն էր ստուգել աշակերտների ֆիզիկական պատրաստականությունը սպորտի տարբեր մարզաձևերի և մարզական տարբեր խաղերի նկատմամբ, նրանց ֆիզիկական դաստիարակության խթանիչ գործոնները:

 

Նպատակասլաց ու բազմաբնույթ մրցույթային խաղերի ընթացքում բացահայտվեցին աշակերտների ֆիզիկական կարողությունները, հմտությունները:

 

Սպորտլանդիան անցավ բավական աշխույժ ու հետաքրքիր:

 

Միջոցառումն անցկացվեց բարձր մակարդակով` շնորհիվ դպրոցի գեղագիտական մասնախմբի հետևողական և կազմակերպված աշխատանքների: