Չեմպիոնների լիգա. «Բարսելոնա» - «Մանչեսթեր Սիթի»՝ 2:1

1/8 եզրափակիչում կատալոնացիները 2 խաղերի արդյունքում պայքարից դուրս թողեցին անգլիական «Մանչեսթեր Սիթիին»: Առաջին խաղում 2 անպատասխան գոլ խփելուց հետո «Բարսելոնան» հաղթեց նաև պատասխան մրցավեճում՝ 2:1:

 

Բարսելոնայում կայացած խաղն ավելի ակտիվ սկսեց «Մանչեսթեր Սիթին», բայց կատալոնացիներն աստիճանաբար տարածքային առավելություն ստացան: Առաջին խաղակեսն ավարտվեց 0:0 հաշվով, իսկ ընդմիջումից քիչ անց թիմերը մեկական գոլային պահ կորցրին:

 

«Բարսելոնայի» ռմբարկու Լիոնել Մեսիի հարվածը դիպավ դարպասաձողին, իսկ փոխարինման դուրս եկած Էդին Ջեկոյի հարվածից հետո հիանալի խաղաց դաշտի տերերի դարպասապահ Վիկտոր Վալդեսը: Անգլիացիների գրոհներն ավելի ու ավելի վտանգավոր էին դառնում, սակայն հաշիվը բացեց «Բարսելոնան»: 67-րդ րոպեին Մեսին առաջ մղեղ դաշտի տերերին: 89-րդ րոպեին «Մանչեսթեր Սիթիի» ավագ Վենսան Կոմպանին հավասարեցրեց հաշիվը, բայց ավելացված ժամանակում բրազիլացի պաշտպան Դանի Ալվեսը հաղթանակ պարգևեց կատալոնացիներին: 

 

Խերարդո Մարտինոյի թիմը 2 խաղերի արդյունքում հաղթեց 4:1 հաշվով:

 

Չեմպիոնների լիգայի քառորդ եզրափակիչի զույգերը կորոշվեն վիճակահանության արդյունքում:

 

Չեմպիոնների լիգա, 1/8 եզրափակիչ, պատասխան խաղ

 

«Բարսելոնա» (Իսպանիա) - «Մանչեսթեր Սիթի» (Անգլիա)՝ 2:1 (առաջին խաղ՝ 2:0) 

 

Լիոնել Մեսի, 67, Դանի Ալվես, 90+1  – Վենսան Կոմպանի, 89

 

Հեռացում՝ Պաբլո Սաբալետա, 78 («Մանչեսթեր Սիթի»)

 

Աղբյուրը՝ sport.news.am