«Գարնանային տրամադրություն» խորագիրը կրող ցուցահանդես՝ նվիրված կանանց միջազգային տոնին

Շատերն են դժվարանում որևէ անուն տալ Հայաստանի ժողովրդական վարպետ, Արհեստների Մոսկովյան պալատի, Ռուսաստանի նկարիչների միության և Նկարիչների միջազգային ֆեդերացիայի անդամ Օլգա Հակոբյանի ձեռքի աշխատանքներին:

 

Ցուցահանդեսի պաշտոնական խորագիրը «Գարնանային տրամադրություն» է: Ցուցադրված են «Անկառս-ֆրիվոլտե» կոչվող տեխնիկայի միջոցով թելերով և ուլունքներով հյուսված ականջօղեր, ապարանջաններ, գլխարկներ, մատանիներ, զարդաքորոցներ, ընդհանուր առմամբ 200 ձեռակերտ աշխատանքներ: Ուլունքագործն օգտագործում է հիմնականում բնական, թանկարժեք և կիսաթանկարժեք, այդ թվում «Սվարովսկի» կոչվող քարատեսակներ և ակնաքարեր:

 

«Օլգան այս ամենի մեջ հոգի է դնում, գաղափար ու ներկայացնում անկրկնելի գեղեցկություն»,- ցուցահանդեսի բացման ժամանակ ասաց Օլգա Հակոբյանի գործընկերուհի Անժելա Նազարեթյանը:

 

Օլգա Հակոբյանն ասաց, որ ցուցահանդեսում ներկայացված են 15 տարվա ընթացքում արած իր աշխատանքները: «Այս զարդերը ես չեմ վաճառում, միայն ցուցադրում եմ ու նվիրում ընկերուհիներիս: Գիշեր-ցերեկ աշխատում եմ: Հոգիս եմ ներդնում ամեն մի աշխատանքում և ավարտելուց հետո, ինչպես սեփական երեխայի, համբուրում ու մի կողմ եմ դնում»,- ասաց արվեստագետը:

 

Ներկայացված զարդեղենը տարբեր ոճի են. կարելի է գրել աշխատանքի ժամանակ, երեկոյան հավաքույթներում:

 

Ցուցահանդեսին ներկաները միայն մեկ բան էին ասում. «Հնարավոր չէ անտարբեր անցնել այս ամենի կողքով»: ՀՀ-ում ՌԴ արտակարգ և լիազոր դեսպանի կինն էլ նման դիտարկում արեց. «Հայերի մեջ շատ են տաղանդավորները»:

 

Նշենք, որ ցուցահանդեսը բաց է մինչև ապրիլի 7-ը:

 

Աղբյուրը՝ panorama.am