«Բորուսիա»-«Այնտրախտ».Հենրիխ Մխիթարյանի վիճակագրությունը և գնահատականը

Գերմանիայի փոխչեմպիոնը «Սիգնալ Իդունա Պարկում» հաղթեց 4։0 հաշվով: Հայաստանի հավաքականի 25-ամյա ֆուտբոլիստը դորտմունդցիների մեկնարկային կազմում խաղաց 66 րոպե՝ դառնալով գոլային փոխանցման հեղինակ: 

 

Հենրիխ Մխիթարյանը ճանաչվել է հանդիպման լավագույն ֆուտբոլիստ: Մխիթարյանը գնդակին դիպչել է 43 անգամ, կատարել է 28 փոխանցում՝ 82 տոկոս ճշգրտությամբ։ Հենրիխը մեկ հարված է կատարել, որն ընթացել է դեպի մրցակցի դարպասը։

 

Նա 2 անգամ հաղթող է դուրս եկել գնդակի համար պայքարում։ Հենրիխը երկու խախտում է թույլ տվել։ Մրցակիցը նրա նկատմամբ երկու անգամ է խախտել կանոնները։ 25-ամյա կիսապաշտպանը ստացել է 7.97 գնահատականը։ Այսպիսի ցածր գնահատականը պայմանավորված է խաղադաշտում անցկացրած րոպեների քանակով։

 

Հիշեցնենք, որ Մխիթարյանը դորտմունդցիների մեկնարկային կազմում էր և փոխարինվել է 66-րդ րոպեին։

 

Աղբյուրը` sport.news.am