«Ես մի զարկն եմ քո բազկի» խորագրով միջոցառում Զորավանի դպրոցում

Կրթական 2014-02-12

Կոտայքի մարզի Զորավանի միջնակարգ դպրոցի աշակերտական խորհուրդը` դաստիարակչական աշխատանքների կազմակերպիչ Տաթևիկ Անտոնյանի գլխավորությամբ, օրերս կազմակերպել էր Հայոց բանակի 22-ամյա տարելիցին նվիրված ռազմահայրենասիրական միջոցառում` «Ես մի զարկն եմ քո բազկի» խորագրով:

Միջոցառման ընթացքում հնչում էր հայրենասիրական երգեր, բանաստեղծություններ, ու նազանի հայուհիները պարում էին ազգային պարեր: Դահլիճում թևածում էր հայի աննկուն ռազմական ոգին:

Փոքրիկների ոգևորությունը տոգորել էր ներկաներին, իսկ բեմականացումը այնքան հուզիչ էր, որ ներկաներից շատերը արտասվեցին:

Միջոցառումն անցավ բարձր մակարդակով և արժանացավ հանդիսատեսների հոտնկայս ծափահարություններին ու տնօրեն Հ.Հովհաննիսյանի գովեստին:

«Ես մի զարկն եմ քո բազկի» խորագրով միջոցառում Զորավանի դպրոցում

Բաց մի թողեք նաև...