«Բագրևանդ» երգի և պարի համույթ

Համույթը մասնակցել է Հայաստանի Հանրապետությունում, ինչպես նաև հանրապետությունից դուրս կազմակերպված փառատոնների ու մրցույթների և աչքի է ընկել իր հաջողություններով:

 

2011թ.-ին մասնակցել է Մուսալեռան հերոսամարտի միջոցառում փառատոնին և արժանացել շնորհակալագրի: Նույն թվականին մասնակցել է ճարտարագիտական համալսարանում կազմակերպված ամենամյա հայկական ազատագրական փառատոնին և արժանացել դիպլոմի ու շնորհակալագրի:

 

2012թ.-ին մասնակցել է «Կոմիտասյան օրերն» Հայաստանում և արժանացել շնորհակալագրի:

 

2013թ.-ին մասնակցել է Սևանում կազմակերպաված ամենամյա ազատագրական ժողովրդական երգ ու պար փառատոնի՝ արժանանալով հուշանվերի և պատվոգրի: Նույն թվականին դպրոցից երեք երգիչ մասնակցել է «Զվարթնոց» վերածննդի փառատոնին՝ արժանանալով վկայականների ու պատվոգրերի: Նույն փառատոնին Սիրունիկ Աղասյանը մասնակցել է Գալա համերգին և «ժողովրդական երգ» անվանակարգում արժանացել երկրորդ մրցանակի (հանրապետությունում) և ստացել Բուլղարիա մեկնելու իրավունք:

 

2013թ.-ի հուլիսի 22-27-ը համույթը մասնակցել է Վրաստանի Քոբուլեթի քաղաքում անցկացված “Солнечное озеро” փառատոնին և «Ժողովրդական պար» անվանակարգում արժանացել առաջին մրցանակի (ոսկե մեդալ) և դիպլոմի:

 

2013թ.-ի նոյեմբերի 26-28-ը համույթը մասնակցել է հանրապետական երիտասարդական «Նավասարդյան խաղեր» մրցույթին և «Ժողովրդական պար» անվանակարգում արժանացել երկրորդ մրցանակի (արծաթե մեդալ): Դեկտեմբերի 28-ին հրավիրվել է մասնակցելու Երևան քաղաքում կազմակերպված «Նավասարդյան խաղեր» մրցույթի Գալա համերգին, արժանացել «Երկրային մրցանակ» դիպլոմի և հուշանվերի:

 

Այժմ համույթը պատրաստվում է մասնակցելու Ղրիմ քաղաքում կայանալիք փառատոնին և Շուշիում կազմակերպվող Շուշիի ազատագրմանը նվիրված տոնակատարությանը և «Սուրբ խաչ» փառատոնին:

 

Մաղթում ենք համույթին հաջողություններ ու նորանոր հաղթանակներ: