Իսպանիայի Գավաթ. «Ռեալ» - «Աթլետիկո»՝ 3։0

17-րդ րոպեին պորտուգալացի պաշտպան Պեպեի հարվածից հետո գնդակը դիպչեց հյուրերի պաշտպան Էմիլիանո Ինսուային և հայտնվեց դարպասում։ 57-րդ րոպեին իսպանացի հարձակվող Խեսեն կրկնապատկեց Արքայական ակումբի առավելությունը: 74-րդ րոպեին արգենտինացի կիսապաշտպան Անխել Դի Մարիայի հարվածից հետո բրազիլացի պաշտպան Միրանդան դարձավ ինքնագոլի հեղինակ։

 

Այսպիսով, «Սանտիագո Բեռնաբեո» մարզադաշտում կայացած խաղն ավարտվեց դաշտի տերերի վստահ հաղթանակով` 3:0 հաշվով:

 

«Ռեալ»-ը վստահ գործեց ամբողջ հանդիպման ընթացքում` ունենալով խաղային նկատելի առավելություն:

 

Պատասխան հանդիպումը կկայանա փետրվարի 11-ին։ Կիսաեզրափակիչի հաջորդ զույգը կազմել են կատալոնական «Բարսելոնան» և «Ռեալ Սոսյեդադը»։

 

Իսպանիայի գավաթ, կիսաեզրափակիչ.

 

Առաջին հանդիպում.

 

«Ռեալ» - «Աթլետիկո»՝ 3։0

 

Էմիլիանո Ինսուա (ինքնագոլ), 17, Խեսե, 57, Միրանդա (ինքնագոլ), 74

 

Աղբյուրը` www.1in.am