Լևոն Հայրապետյանը փորձաշրջան է անցնում չեխական «Պրիբրամում»

Ազատ գործակալի կարգավիճակում գտնվող 24-ամյա ֆուտբոլիստը չեխական ակումբի կազմում մասնակցել է լեհական «Պոդբեդսկձեի» դեմ ընկերական խաղին: «Պրիբրամը» պարտվել է 1:3 հաշվով, իսկ Հայրապետյանը խաղադաշտում անցկացրել է 60 րոպե:

 

«Պրիբրամի» գլխավոր տնօրեն Պետեր Վետրովսկին հայտնել է, որ Հայրապետյանի հարցով թիմը որոշում կկայացնի փորձաշրջանից հետո:

 

Պրիբրամում» փորձաշրջան է անցնում Հայաստանի հավաքականի ձախ պաշտպան Լեւոն Հայրապետյանը: Տեսնենք, թե ինչպես նա իրեն կդրսեւորի ստուգողական խաղերում»,- նշել է Վետրովսկին:

 

Հիշեցնենք, որ Լևոն Հայրապետյանի Ղազախստանի չեմպիոն «Ակտոբեում» փորձաշրջան անցնելուց հետո մարզվում էր ղազախական «Իրտիշում»: «Պրիբրամը» 14-րդ տեղում է Չեխիայի առաջնությունում: Հայրապետյանի նախորդ ակումբը լեհական «Վիձևն» էր, որի հետ նա դեկտեմբերին խզել էր պայմանագիրը: Լևոնը 19 հանդիպում է անցկացրել Հայաստանի հավաքականի կազմում:

 

Աղբյուրը` sport.news.am