Ֆուտբոլի Հայաստանի ազգային հավաքականը չորրորդ զամբյուղում է

Սպորտ 2014-01-25

ՈւԵՖԱ-ն հրապարակել է Եվրո-2016-ի ընտրական փուլի վիճակահանության զամբյուղները: 53 հավաքականները բաժանվել են 6 զամբյուղների: Փետրվարի 23-ին կայանալիք վիճակահանության արդյունքում հավաքականները կբաժանվեն 9 խմբերի: ՖԻՖԱ-ի դասակարգման աղյուսակում 38-րդ տեղը զբաղեցնող Հայաստանի հավաքականը Չեռնոգորիայի, Շոտլանդիայի, Ֆինլանդիայի, Լատվիայի, Ուելսի, Բուլղարիայի, Էստոնիայի եւ Բելառուսի թիմերի հետ ընդգրկվել է չորրորդ զամբյուղում: Ստացվում է, որ մեր ընտրանին չի մրցելու Մոնտենեգրոյի, Շոտլանդիայի, Ֆինլանդիայի, Լատվիայի, Ուելսի, Բուլղարիայի, Էստոնիայի ու Բելառուսի հետ: Բացի այդ, ՈւԵՖԱ-ի որոշմամբ Հայաստանի հավաքականը չի կարող միևնույն խմբում լինել Արդրբեջանի ընտրանու հետ:

Եվրո-2016-ի ընտրական փուլի վիճակահանությունը կկայանա Ֆրանսիայի Նիցա քաղաքում: Առաջին անգամ Եվրոպայի առաջնության եզրափակիչ մրցաշարին կմասնակցեն 24 թիմեր, որոնց թվում կլինի նաև կազմակերպիչ երկրի՝ Ֆրանսիայի հավաքականը:

Առաջին զամբյուղ. Իսպանիա, Գերմանիա, Հոլանդիա, Իտալիա, Անգլիա, Պորտուգալիա, Հունաստան, Ռուսաստան, Բոսնիա-Հերցեգովինա:

Երկրորդ զամբյուղ. Ուկրաինա, Խորվաթիա, Շվեդիա, Դանիա, Շվեյցարիա, Բելգիա, Չեխիա, Հունգարիա, Իռլանդիա:

Երրորդ զամբյուղ. Սերբիա, Թուրքիա, Սլովենիա, Իսրայել, Նորվեգիա, Սլովակիա, Ռումինիա, Ավստրիա, Լեհաստան:

Չորրորդ զամբյուղ. Չեռնոգորիա, Հայաստան, Շոտլանդիա, Ֆինլանդիա, Լատվիա, Ուելս, Բուլղարիա, Էստոնիա, Բելառուս:

Հինգերորդ զամբյուղ. Իսլանդիա, Հյուսիսային Իռլանդիա, Ալբանիա, Լիտվա, Մոլդովա, Մակեդոնիա, Ադրբեջան, Վրաստան, Կիպրոս:

Վեցերորդ զամբյուղ. Լյուքսեմբուրգ, Ղազախստան, Լիխտեյնշտեյն, Ֆարերյան կղզիներ, Մալթա, Անդորրա, Սան Մարինո, Ջիբրալթար:

Հիշեցնենք, որ 9 ընտրական խմբերում առաջին և երկրորդ տեղեր գրաված թիմերն ու լավագույն արդյունքով երրորդ տեղը զբաղեցրած հավաքականը կնվաճենց Եվրո-2016-ի եզրափակիչ մրցաշարի ուղեգիր: Երրորդ տեղերում հայտնված մյուս 8 թիմերը վերջին 4 ուղեգրերը կվիճարկեն անցումային խաղերով:

Աղբյուրը` sport.news.am

Ֆուտբոլի Հայաստանի ազգային հավաքականը չորրորդ զամբյուղում է

Բաց մի թողեք նաև...