Սոչի 2014-ին Հայաստանը կունենա չորս դահուկորդ

«Դահուկային սպորտի միջազգային ֆեդերացիան քննարկել է Սոչիում կայանալիք 22-րդ ձմեռային Օլիմպիական խաղերում Հայաստանի ներկայացուցիչներին ուղեգիր տրամադրելու հարցը: Հայաստանին միջազգային ֆեդերացիան տրամադրել է չորս ուղեգիր` երեք դահուկորդների և մեկ լեռնադահուկորդի տեղ: Դահուկորդներից երկուսն արդեն հայտնի են` Սերգեյ Միքայելյան եւ Արթուր Եղոյան: Դահուկավազքում երրորդ ուղեգիրը կտրամադրվի աղջիկ դահուկորդի, իսկ չորրորդ ուղեգիրը բաժին կհասնի լեռնադահուկորդի: Հունվարի 21-ին կկայանա Հայաստանի դահուկային սպորտի ֆեդերացիայի նախագահության նիստը, որի ժամանակ կորոշվի մյուս երկու օլիմպիականների անունները: Աղջիկ դահուկորդներից հավակնորդներն են Սյուզաննա Վարսոյանը և Աննա Մխիթարյանը, իսկ լեռնադահուկորդներից Արման Էլբակյան և Արսեն Ներսիսյան: Այսպիսով մեզ հասավ չորս ուղեգիր: Մենք այս ամենի համար աշխատում էինք»,- նշեց Գագիկ Սարգսյանը:

 

Մինչև հունվարի 27-ը Հայաստանը պետք է միջազգային ֆեդերացիային ներկայացնի չորս օլիմպիականների անունները:

 

22-րդ ձմեռային Օլիմպիական խաղերի բացման հանդիսավոր արարողությունը տեղի կունենա փետրվարի 7-ին:

 

Աղբյուրը` sport.news.am