Լավ սովորող ուսանողների համար ևս մեկ սոցիալական ծրագիր

Կրթական 2014-01-09

Հայաստանի երիտասարդական հիմնադրամը (ՀԵՀ) հայտարարում է մրցույթ` կրթաթոշակների հատկացման վերաբերյալ։ Պետական բուհերի առկա ուսուցման բակալավրիատի առաջին կուրսի այն ուսանողները, որոնք չեն սովորում անվճար համակարգում, կարող են մասնակցել մրցույթին։ Կրթաթոշակ տրամադրելու նպատակով ՀՀ կառավարության կողմից ՀԵՀ-ին հատկացվել է 60 մլն դրամ։

Հայտատու ուսանողը պետք է բավարարի նշված պահանջներից առնվազն մեկին՝

• սոցիալապես անապահով (ընտանիքի անապահովության սահմանային միավորից բարձր միավոր ունեցող) ընտանիքների անդամ,

• միակողմանի ծնողազուրկ ուսանող,

• երրորդ խմբի հաշմանդամ ուսանող,

• հեռավոր լեռնային և սահմանամերձ գյուղերի ուսանող,

• տվյալ ուսումնական տարվա կիսամյակի քննությունների և ստուգարքների արդյունքներով առավել բարձր գնահատականներ ունեցող ուսանող,

• հասարակական ակտիվություն ցուցաբերող ուսանող,

• պատշաճ վարքագիծ դրսևորող ուսանող:

Դիմում-հայտերի ընդունման վերջնաժամկետը փետրվարի 10-ն է։ Դիմումներն ու անհրաժեշտ փաստաթղթերն ընդունվում են Հայաստանի երիտասարդական հիմնադրամի գրասենյակում (հասցե՝ ք. Երևան, Տերյան 74), ամեն օր, բացի շաբաթ և կիրակի օրերից` ժամը 10.00-17.00 (ընդմիջման ժամն է 13.00-14.00-ն): Կրթաթոշակի հատկացման մասին այլ մանրամասների կարելի է ծանոթանալ ՀԵՀ-ի պաշտոնական կայքում (http://heh.am):

2011-2013թթ. Հայաստանի երիտասարդական հիմնադրամը ՀՀ կառավարության աջակցությամբ պետական բուհերի անվճար համակարգում չընդգրկված, վերոնշյալ չափանիշներին համապատասխանող ավելի քան 2150 ուսանողի հատկացրել է կրթաթոշակներ։

Աղբյուրը` heh.am

Լավ սովորող ուսանողների համար ևս մեկ սոցիալական ծրագիր

Բաց մի թողեք նաև...