ԱՄԷ-ում Հայաստանն ունի աշխարհի չեմպիոնի տիտղոսին հավակնող մարզիկներ

Հայաստանի ներկայացուցիչներից ոսկե մեդալի հավակնություններ ունեն մինչև 12 տարեկանների առաջնությանը մասնակցող Արամ Հակոբյանը և մինչև 18 տարեկանների պայքարին մասնակցող Հովհաննես Գաբուզյանը:

 

Գաբուզյանը վերջին տուրից առաջ 7.5 միավորով երկրորդ տեղում է և առաջատարին զիջում է կես միավոր: Իսկ Արամ Հակոբյանը 9 միավորով միաձնյա գլխավորում է մրցաշարային աղյուսակը՝ մոտակա հետապնդողին գերազանցելով մեկ միավորով:

 

Հիշեցնենք, որ ԱՄԷ-ում շախմատի պատանեկան և երիտասարդական համաշխարհային առաջնությունները մեկնարկել էին դեկտեմբերի 17-ին: Հայաստանից մեկնել էին 28 ներկայացուցիչներ՝ տղաների և աղջիկների տարբեր տարիքային խմբերում:

 

Աղբյուրը` sport.news.am