Դիմակահանդես Մայիսյանի միջնակարգ դպրոցում

Շուրջ մեկ ամիս տոնական եռուզեռի մեջ էր ողջ դպրոցը: Բոլորը պատրաստվում էին Ամանորի տոնական դիմակահանդեսին: Տոնական երեկոն բաղկացած էր երեք մասից: Առաջինը ելույթ ունենալու պատիվը տրված էր նախակրթարանի և տարրական դպրոցի սաներին: Նրանք պատրաստել էին «Կարմիր գլխարկը» երաժշտական մյուզիքլը: Հեռավոր Լապլանդիայից փոքրիկ մայիսյանցիներին շնորհավորելու էր եկել Ձմեռ պապը և Ձյունանուշը:

 

Դիմակահանդեսի երկրորդ մասը շարունակեցին 5-8-րդ դասարանի աշակերտները: Նրանք պատրաստել էին ուրախ, անակնկալներով լի տոնական համարներ: Տոնական ցերեկույթը եզրափակեցին ավագ դասարանների աշակերտները: Ուրախ վիկտորինաները, հումորային համարները, տոնական վիճակախաղը, անակնկալ ելույթները տոնական ցերեկույթը դարձրեցին լիարժեք: Իսկ ամենավերջում, արդեն ավանդական դարձած գեղեցկության մրցույթն էր, որի ժամանակ ընտրվեց և թագադրվեց դպրոցի 2013թ. գեղեցկուհին:

 

Բոլորը ուրախ էին, ամենուր տիրում էր ուրախ տոնական տրամադրություն: