Տեղի ունեցավ «Ես ուսանող եմ-2013» ֆոտոմրցույթի ամփոփման արարողությունը

Ներկաներից ողջույնի խոսքով հանդես եկան նաև ՀՀ արվեստի վաստակավոր գործիչ Վիգեն Ստեփանյանը, մրցույթի ժյուրիի նախագահ, հայտնի հեռուստահաղորդավար Կարեն Քոչարյանը, ով կարևորեց, երիտասարդների շրջանում նմանօրինակ մրցույթների կազմակերպումը, դրա շարունակականության խրախուսումը և ավելացրեց. «Մենք տեսանք գեղեցիկ աշխատանք, գեղեցիկ արդյունք, և վերջապես մեզ համար այս մրցույթի շրջանակներում բացահայտեցինք լուսանկարչության մեջ ինքնատիպ ձեռագրեր, իսկ դա արդեն հեռանկարային լինելու լուրջ երաշխիք է: Ես շատ ուրախ եմ, որ ներկայում ունենք այսպիսի երիտասարդներ, այսպիսի վառ անհատականություններ»:

 

Հաղթող ճանաչված մասնակիցները մրցանակներ ստացան 7 անվանակարգում՝ «Լավագույն լուսանկարը թեմայով», «Լավագույն ռեպորտաժ», «Հումորի համար», «Գեղարվեստական արժեքի համար», «Լավագույն սև-սպիտակ լուսանկար», «Վավերագրական լուսանկար» և «Ժողովրդի ընտրություն»: «Լավագույն սև-սպիտակ լուսանկար» անվանակարգում առաջին տեղը գրավեց Աստղիկ Հակոբյանը, 2-րդը` Վորմնադիրյան Ադելաիդան, 3-րդը Մորիս Ամիրյանը: «Հումորի համար» անվանակարգում 1-ին տեղը գրավեց Արսենյան Սոնան, 2-րդը` Ալոյան Արաքսյան, 3-րդը` Աղաջանյան Մարիան: «Վավերագրական լուսանկար» անվանակարգում 1-ին տեղը գրավեց Անահիտ Հարությունյանը, 2-րդը` Մերի Մովիսիյանը, 3-րդ տեղին արժանացավ Լամինա Մաչկալյանը: «Գեղարվեստական արժեքի համար» անվանակարգում 1-ին տեղը գրավեց` Անահիտ Մարտիրոսյանը, 2-րդը` Շուշան Մովսեսյանը և 3-րդ տեղը գրավեց Հարութ Սարոյանը: «Լավագույն լուսանկարը թեմայով» անվանակարգում 1-ին տեղը գրավեց Սերգեյ Կոսակյանը, 2-րդը` Հովհաննիսյան Օնիկը, 3-րդը` Ասատրյան Հերմինեն: «Լավագույն ռեպորտաժ» անվանակարգում 1-ին տեղին արժանացավ Մայա Հարությունովան, 2-րդին Թովմասյան Մարիաննան, 3-րդ տեղը գրավեց Սաֆարյան Միխայիլը: «Ժողովրդի ընտրություն» անվանակարգում 1-ին տեղը նվաճեց` Աննա Հովսեփյանը, 2-րդ տեղը զբաղեցրեց Իզաբելլա Հակոբյանը, 3-րդը՝ Սերգեյ Հովսեփյանը:

 

Մրցույթի նպատակն է լուսանկարների միջոցով ցույց տալ ուսանողության իրական կյանքը, հետաքրքրությունները, առօրյան, ուսուցման ընթացքը, հանգիստը, արդիական մարտահրավերների հանդեպ վերաբերմունքը և այն ամենը, ինչն ըստ մրցույթի մասնակիցների` արտացոլում է ժամանակակից ուսանողության առօրյան ու հետաքրքրությունները: Մրցույթի հաղթողների համար կկազմակերպվեն նաև օպերատորական արվեստի եւ լուսանկարչության դասընթացներ:

 

Աղբյուրը` www.aravot.am