Հայկական թեմայով լուսանկարների ցուցահանդես` իտալական Թուրին քաղաքում

Ցուցադրության ներկայացված բոլոր նկարները պատկանում են պոլսահայ, ներկայումս Թուրինում բնակվող Կարեն Կոքչյանին, ով տասնամյակներ շարունակ լինելով Հայաստանում, լուսանկարել է մեր մշակույթի գոհարները,մեր սրբազան վանքերն ու հնամյա ամրոցները, հասարակ մարդկանց, Հայաստանի բնությունը և այլն:

 

Ցուցահանդեսը ընթանում է Թուրինի ամենանշանավոր բացօթյա սրահներից մեկում` Սուբալպինայում, որը միջանցիկ մի թանգարանային պատմական սրահ է` կապելու համար մեծ ու պատմական իտալական քաղաքի կենտրոնի երկու հատվածները: 

Ցուցահանդեսի բացման պաշտոնական արարողությանը ներկա էին Թուրինի քաղաքապետի պաշտոնական ներկայացուցիչներ, ՀՀ-ում արտակարգ և լիազոր դեսպան Պրն. Սարգիս Ղազարյանը, Իտալիայի Հայոց միության նախագահ Պրն.Պայքար Սվազիլյանը, Իտալիայի Հայոց Եկեղեցու վարչական խորհրդի նախագահ Պրն. Սարո Խուդավերդյանը, Միլանում ՀՀ պատվո հյուպատոս Պրն.Պիերո Քուչուկյանը և այլք:

 

Ցուցահանդեսի կազմակերպիչ ու հեղինակ Պրն.Կարեն Կոքչյանը առաջին անգամ չէ, որ կազմակերպում է Հայաստանին վերաբերող լուսանկարների ցուցահանդես, սակայն այս մեկն իր որակով և մեծությամբ աննախադեպ է, ինչի մասին վկայում է Սուբալպինա այցելած տասնյակ հազարավոր մարդկանց մասնակցությունը:

 

Նոյեմբերի 15-ին ցուցահանդեսի կազմակերպչին իր օրհնությունը փոխանցելու և իտալահայկական պատմության մեջ կարևոր այս իրադարձությանը մասնակցելու համար Թուրինո էր մեկնել նաև Իտալիայի Հայոց հոգևոր հովիվ Հայր Թովմա Խաչատրյանը: 

 

Աղբյուրը` panorama.am