Խաղաղության լապտերներ` ճապոնացի երեխաներին

Ճապոնական ավանդույթի համաձայն նա սկսել էր պատրաստել հազար կռունկ, որպեսզի իրականացնի իր ողջ մնալու երազանքը, սակայն հասցրել էր ծալել միայն 644-ը: Տեսնելով սաների հուզմունքը, ընկեր Կարինեն նրանց խոստացել է Ճապոնիա ուղարկել իրենց պատրաստած կռունկները: Կռունկների հետ Ճապոնիա են ուղարկվել նաև լապտերները, որոնք հայ երեխաների ցանկությունն են, որ այլևս ոչ մի երեխա չտուժի, այն խաղաղասիրական ձեռքմեկնում էր: Այսպիսով, այդ լապտերներն ամեն տարի լողում են քաղաքի գետի վրայով:

 

Միջոցառմանը կայացավ «Խաղաղության լապտերներ» մրցանակաբաշխությունը, որի մրցանակակիրներից Քրիստինե Հարությունյանը նշեց, որ ինքը ճապոնական արվեստը շատ է սիրում և կենտրոնում շատ բան է սովորել:

 

Տեղի ունեցավ նաև 2012 թ. Ճապոնիայում «Hikari-no Ie» ՀԿ-ի կողմից կազմակերպված գեղանկարչական մրցույթին մասնակցած հաղթողների մրցանակների հանձնման արարողությունը: Մրցույթում առաջին երկու տեղերը զբաղեցրել էին հայ երեխաները: Մրցանակները հանձնեց Գեղագիտության Ազգային Կենտրոնի ղեկավար Լևոն Իգիթյանը:

Միջոցառման շրջանակներում հյուրերին ներկայացվեց ցուցահանդես «Ճապոնիան հայ երեխաների աչքերով»: Ելույթ ունեցան Երևանի Մ. Մալունցյանի արվեստի դպրոցի սաները:

 

Ներկա էին ՀՀ Ճապոնիայի դեսպանատան ներկայացուցիչներ, ՀՀ գիտության և կրթության նախարարության ներկայացուցիչներ և այլ բարձրաստիճան հյուրեր: Միջոցառմանը աջակցել են են ՀՀ արտաքին գործերի նախարարությունը, Գեղագիտության Ազգային Կենտրոնը:

 

Աղբյուրը` panorama.am