Ղազախական ֆուտբոլային ակումբները հետաքրքրվում են հայ ֆուտբոլիստներով

Ձմռանը ղազախական ակումբներում կարող են հայտնվել հայկական թիմերում հանդես եկող մի շարք ֆուտբոլիստներ: 

Խոսքը, հիմնականում, «Բանանցի» և «Փյունիկի» խաղացողների մասին է: «Բանանցից» Ղազախստան կարող են մեկնել Էդգար Մալաքյանը (նրա տրանսֆերը պատկանում է չեխական «Վիկտորիային») և Արտակ Եդիգարյանը, իսկ «Փյունիկից»՝ Արթուր Յուսպաշյանը:

 

Հավանական է, որ Յուսպաշյանը հանդես կգա Ղազախստանի գալիք առաջնության նորեկի՝ «Կայսարի» կազմում: Արթուրն այս թիմի հետ նախնական պայմանավորվածություն էր ձեռք բերել ամռանը, երբ կարճ ժամանակով մեկնել էր Ղազախստան: Արտակ Եդիգարյանը ևս ամռանը մի քանի օր անցկացրեց Ղազախստանում, ապա վերադարձավ Երևան:

 

Չի բացառվում, որ ղազախական ակումբներում հայտնվեն նաև «Միկայի» և «Գանձասարի» խաղացողները:

 

Հիշեցնենք, որ ներկայումս ղազախական ակումբներում են ելույթ ունենում Հայաստանի հավաքականի խաղացողներ Ռոբերտ Արզումանյանը («Ակտոբե»), Արթուր Եդիգարյանը («Կայրաթ») և Գևորգ Ղազարյանը («Շախտյոր»):

 

Աղբյուրը` armsport.am