Պետական դրոշի օր (ՌԴ)

Առաջին անգամ դրոշը բարձրացվել է ռուսական «Օրյոլ» ռազմանավի վրա: Եռագույնի օրինական «հայրը» համարվում է Պյոտր 1-ինը: 1705թ.-ի հունվարի 20-ին նա հրամանագիր է ստորագրել, ըստ որի`   «բոլոր առևտրային նավերի վրա» պետք է բարձրացվի սպիտակ-կապույտ-կարմիր դրոշը, որը գծագրել է ինքն անձամբ`   որոշելով հորիզոնական շերտերի հերթականությունը:

 

Թե ինչով է ղեկավարվել գույները ընտրելիս, մնացել է հանելուկ, սակայն հստակ պարզ է, որ այստեղ յուրաքանչյուր գույն իր իմաստն ունի: Տեսակետներից մեկի համաձայն`   սպիտակը խորհրդանշում է ազատությունը, կապույտը՝ Աստվածածնին, կարմիրը՝ վեհապետությունը: 

 

Մյուսի համաձայն`   սպիտակը խորհրդանշում է վեհություն, կապույտը՝ ազնվություն, կարմիրը՝ ռուս ժողովրդի յուրահատուկ խիզախությունը և մեծահոգությունը: Ի դեպ, մինչ վերստին գործածվելը, եռագույնը 1918թ.-ից Սվերդլովի հրամանագրով փոխարինվում է հեղափոխական կարմիր պաստառով: