Բուհական կրթությունը ԿԳ նախարարի ուշադրության կենտրոնում

Նիստին նախարարը նշել է՝ «Չափազանց կարևորում եմ կրթության համակարգի բովանդակային խնդիրների վերհանումը. որքան կարողանանք կրթության համակարգը զերծ պահել քաղաքական գործընթացներից, այնքան կշահի կրթական համակարգը»:

 

«Ես կիսում եմ պատգամավորի մտահոգությունը. իսկապես, հեռակա ուսուցման կազմակերպման դեպքում որակի պահպանման խնդիր կա, բայց և չէի ցանկանա այս հարցում շտապողականություն դրսևորել, քանի որ մենք հեռակա ուսուցման համակարգը վերանայելու խնդիր ունենք, որը, կարծում եմ, պետք է կարգավորել «Բարձրագույն և հետբուհական կրթության մասին» ՀՀ օրենքով»,-նկատել է Լևոն Մկրտչյանը:

 

Ըստ նախարարի դիտարկման՝ որոշակի տարիքում երկրորդ մասնագիտություն կամ, աշխատանքից չկտրվելով, մասնագիտություն ձեռք բերելու հեռակա ուսուցման այս հնարավորությունն առկա ուսուցման համեմատ որոշակի առանձնահատկություններ ունի, և ծրագրերն էլ խորն են ու բազմաթիվ:

 

Աղբյուրը՝ Edu.am

Նկարը՝ Panorama.am