Dasaran-ի թիմն այցելեց Ա. Պուշկինի անվան դպրոց

Հանդիպմանը Dasaran-ի թիմը ներկայացրեց ինչպես կրթական ծրագրի գործունեության ընթացիկ փուլը, այնպես էլ մոտ ապագայում նախատեսված անելիքները, զարգացման ու ընդլայնման տեսլականը:

 

Կրթական ծրագրի թիմն անդրադարձավ նաև Dasaran-ի նոր նախաձեռնություններին, մասնավորապես՝ ուսուցիչների համար նախատեսված էլեկտրոնային մասնագիտական միջավայրի վերաթարմացմանն ու արդիականացմանը, ինչպես նաև այդ մասնագիտական հարթակը կրթական գործընթացի կառավարումն առավել դյուրին դարձնող նոր գործիքներով համալրելուն:

 

Հանդիպման ավարտին ծավալվեց հետաքրքիր քննարկում, որի ընթացքում ուսուցիչները հայտնեցին իրենց կարծիքները, թե ինչպիսին կցանկանային տեսնել Dasaran-ի մշակած էլեկտրոնային գործիքներն ու ուսուցիչների համար ստեղծվելիք մասնագիտական հարթակը: