Dasaran-ի թիմն այցելեց Վ. Մայակովսկու անվան դպրոց

Դպրոցում տեղի ունեցավ հանդիպում տնօրինության, ուսուցչական անձնակազմի և ծնողական խորհրդի ներկայացուցիչների հետ: Աշխատանքային հանդիպման ընթացքում Dasaran-ի թիմը ներկայացրեց կրթական ծրագրի գործունեությունը, ընդլայնման և զարգացման հեռանկարները, առաջիկայում նախատեսված անելիքները:

 

Մասնավորապես՝ կրթական ծրագրի թիմը խոսեց ուսուցիչների համար ստեղծվելիք տեխնոլոգիապես արդիականացված և էլեկտրոնային նոր գործիքներով հագեցած մասնագիտական հարթակի մասին:

 

Հանդիպման ավարտին Dasaran-ի աշխատակիցները պատասխանեցին ուսուցիչներին և ծնողներին հուզող հարցերին, ծավալվեց համակողմանի հետաքրքիր քննարկում, արվեցին կարևոր դիտարկումներ և առաջարկություններ: