ԵԱՀԿ. ուսումնասիրություն կրթական բարեփոխումների վերաբերյալ

Հաղորդագրության համաձայն՝ հետազոտությունն իրականացվել է 1723 ուսանողների շրջանում Երևանի և մարզերի 37 պետական, մասնավոր և միջկառավարական բարձրագույն ուսումնական հաստատությունների մասնակցությամբ:

 

Անհատական հարցազրույցներն իրականացվել էին 2014թ. հոկտեմբերից 2015թ. ապրիլն ընկած ժամանակահատվածում: Ըստ ուսումնասիրության արդյունքների՝ ուսանողների 57%-ը կարծում է, որ կրթական համակարգում իրականացվել են խորը և էական փոփոխություններ:

 

Ուսանողների մեծ մասը, սակայն, չի կարող հստակ բացատրել, թե ինչ են Բոլոնյայի բարեփոխումները և կապում են դրանք նոր գնահատման համակարգի, բարձրագույն կրթության որակի ապահովման կամ ուսանողակենտրոն ուսուցման հետ:

 

Նշվում է նաև, որ մարզերի ուսանողները ավելի գոհ են բարեփոխումների արդյունավետությունից՝ ի տարբերություն մայրաքաղաքի ուսանողությանը, ինչը կարող է պայմանավորված լինել որակյալ կրթություն ստանալու պահանջների տարբերությամբ:

 

Աղբյուրը՝ Panorama.am