Հայաստանը՝ փարիզյան գրքի տոնավաճառի մասնակից

 

Առանձին բաժին է հատկացված եղել Հայոց ցեղասպանությանը նվիրված գրքերին, որտեղ ցուցադրվել են այդ թեմայով վերջին տարիներին տպագրված բազմաթիվ արժեքավոր գրքեր: Հայաստանյան հրատարակությունների կողքին ցուցադրվել է նաև ֆրանսահայ հրատարակիչների և գրողների ֆրանսերենով տպագրված գրականությունը։

 

Տոնավաճառի օրերին հեղինակների մասնակցությամբ անցկացվել են գրքերի շնորհանդեսներ: Մասնավորապես՝ ներկայացվել են Հրանտ Նորշենի «Հայկական հետքեր Ֆրանսիայում» հանրամատչելի ձեռնարկը, Ալեքսանդր Սիրանոսյանի «Տիգրանի մետամորֆոզները» երկհատորյակը, Արա Գրիգորյանի «Քրիստափոր Միքայելյանը և թուրք սուլթանը» պատմագրությունը, Հարություն Խաչատուրյանի «Խաչքարերի արվեստը» արվեստաբանական վերլուծությունը և այլն։ 

 

Փարիզի գրքի տոնավաճառի ավարտին հայկական տաղավարի բազմազան ու հարուստ ծրագրի բարձրակետն ու ամփոփումը «Մտավորականության դերը ցեղասպանությունների կանխարգելման գործում» խորագրով կլոր սեղանն է եղել, որին մասնակցել են հայ և ֆրանսիացի մտավորականները:

 

Աղբյուրը՝ mincult.am